මොහොතකින් අත්පොලසන් හඩකින් බසයම පිරී ගියේය. මම වටපිට බැලුවෙමි. බසයම පාට පාට විදුලි බුබුලු වලින් සරසලාය.
විඩෙන් විඩේ ඒවා නිවී නිවී පත්තු වෙයි.
මගී බුවෙක් එනවුන්ස් කොරන්නට විය.
' ඔව් මෙන්න පිලිගන්න ලෝකයේ ප්රථම ජන්ගම රියැලිටි ප්රසාන්ගික අත්දැකීම...
බසිස්ටා !!!!
(අත්පොලසන්)
බස් එක කොහොමත් යන කොට ඉස්ටාටි එකේ නෙ තියෙන්නෙ. මම අසල බුවියකගෙන් ඇසුවෙමී.
හයියේ ඒකවත් දන්නෙ නැද්ද? ඔය කිවිවෙ බස් තරු ' බස් ස්ටාර් ' තරගය ගැනනෙ.
' හොදයි ආදරණීය ප්රේක්ෂක මගියනි, බසිස්ටාර් පලමු අදියර. මෙන්න දැන් ඔබ ඉදිරියේ..
' කොන්දොස්ටා!!! '
කොන්දොස්තර බුවා එක් අතකින් නෝට්ටු කොල මලක් සේ හදාගෙන අනිත් අතෙන් ටිකට් කැලි කඩා දෙමින් ගයන්නට විය.
' ඉඩ තියෙන තියෙන තැන් වල බස් මගියො හිර කලා... ඔබෙ ඉතුරු සල්ලි දෙන්නට මට මතක නැති වුණා..'
බසය හෝල්ටයක් ලග නතර විය.
' තව නගින්න තව නගින්න.. අඩිය උස්සලා... දොර අද්දර මම ඉන්නම්.. සවන් පල පලා... '
ආ නයින් නයින් නයින්... ඉක්මන් කරලා නයින්....
ඔටුව ඔටුව.. පිටෝටුව.. මළදාන.. ඔරැල්ල...නාරේන් නාරේන් නාරේන් ...!!!!!
ඔව්. අපි බලමු මගී විනිශ්චය.. කොහොමද කියලා....... කියන්න බලන්න ඔබේ අදහස..
' අම්මප මේවයෙ ගැස්සිලා තව සල්ලිත් ගෙවාගෙන එනවට අපිට තලන්නෝනැ බූ හනස්සෙන්.. මැදිවියේ බුවා කීවේය.
' ඒ මදිවට මේවයෙ දාන් යන සින්දුත් අහන් ඉන්නවට අපිටයි ගෙවන්න ඕනැ. '
' හොදයි. ඔබේ මනාපය මේ ඉදිරියේ ගසා තියෙන ඩබ්ලිව් පී ඉරක් බස් අන්කය සටහන් කරලා අර ගහල තියෙන ඉස්ටිකරයේ තියෙන කොමිසමට එස් එම් එස් ක්රන්න..
මොහොතකින් තවත් බසයක් අප බසය ඉස්සර ක්රන්නට විය. අප බසයේ රියැදුරු බුවා අමුතු පණක් ලද්දාක් මෙන් බසය සැර දමමින් වේගය වැඩි කරන්නට විය.
' ඔව්. ඔන්න දැන් බසිස්ටා දෙවැනි අදියර.. ඩ්ර්යිවස්ටා..!!!!!! '
' පියඹා.. යනවා මා ආකාසයේ... අවසානයි මගී ජීවිතේ... !! '
මගෙ බුවාලා වන් වන් නයින් වලට එස් එම් එස් ක්රන්නට වූහ. ඒ සමගම වන්ගුවෙන් තවත් බසයක් මූණට මූණ ආවේය..
' දඩාන් බඩාන් ඩෝන් '
' හපොයි හම්මේ ' මම තිගැස්සුණෙමි.
; මොකෝ මල්ලි ඔය ඩින්ගට නින්ද ගියාද? බහිමු බහිමු. අපි බහින් පොට් එක. නැත්නම් පාක් එකටම අරන් යයි.
මම ස්ටාසීනයෙන් මිදී බැග සෙව්වෙමි.
----
'බුවාලන්තයට ගොස් බස්ටා සිනෙදැක්ම ඇසුරෙන් සිලුමිනට ලිව්වේ තිස්ස කරුණාසේකර.
--
