වීරයෙකුගෙ අවසානය..

ඔබ මේ දවස් වල හැම හන්දියක් හන්දියක් ගනෙම ගහල තියෙන රණවිරුවන්ව දිරිමත් කරන බැනර් කටවුට් ආදිය දැකල ඇති.ගොඩක් ඒ වගේ බැනර් වල සහ කටවුට් වල ඔබ දැකල තියෙනවාද මුහුණ පුරා රැවුල වැවූ රොකෙට් විදිනයක් අතැතිව ඉන්න අපේ කොල්ලෙක්ගෙ රූපයත්?

ඔව් ඔබ දැකල ඇති අනිවාර්යෙන්ම ඔහුව. ඔහු ලක්මවට ආඩම්බ‍ර විය හැකි කොල්ලෙක්.විශේෂ කාර්ය බලකායෙ ගිනිපුපුර ඔහු. පහුගිය ක‍්රියාන්විතවල ඉදිරි පෙල සටන් කරුවෙක් විදිහට නිර්භීතව ඔහු කටයුතු කලා.

නමුත් අවාසනාවකට ඔහුව කොටින්ට පණපිටින් අහුවුණා. ඔහුට දස වධ දී, ඇස් උගුල්ලා දමා, අවසානයේදි බැරලයකට දමා සිරුරට ගිනි තබා ම‍රා දමා තිබෙනවා.

පසුගිය සතියෙ ඔහුගෙ සිරුර, සීල් තැබූ පෙට්ටියකින්, මතුගම - බෙල්ලන පිහිටි ඔහුගෙ නිවසට රැගෙන ආවා.
ඔහු දෙදරු පියෙක්.

අවසන් කටයුතු කලේ දැනට දින කීපයකට කලින්.

මෙම සිදුවීම කිසිම මාධ්යකින් දැකපු බවක් මට මතක නැහැ. දැකපු කෙනෙක් ඉන්නවනම් මාගේ කීම නිවැරදි ක‍රන ලෙස ඉල්ලා සිටිනවා.


තවත් මේ වගේ ඛේදාන්ත කොතෙක් නම් අපි නොදැන සිදු වෙනවා ඇතිද?

---
සොහොයුර, නුඹව මිහිදන් කල තැන, නුඹේ දරුවන්ටයි බිරිදටයි ඇර අනික් අයට තව ටික දවසකින් අමතක වෙලා යාවි. මොකද, ලන්කාවෙ ඇයන්ට යම් දෙයක් මතක තියෙන්නෙ වැඩිම වුණොත් සතියක් නිසා.

ඒ කාලය තුල රතු ඇද ගෙන ජාත්යාලය වෙනුවෙන් බෙරිහන් දෙන ඊනියා විප්ලවකාරයොයි, සුදු පාට ඇදගෙන විලිස්සන නිල්, කොල, මහත්වරුන්ටයි උඹව බයිට් එකක් වේවි. උඹ ගැන ගුණ ගයයි. උඹේ දරු පවුලට හාල් ටිකක්, සීනි ටිකක් දෙන ගමන් ෆොටෝ එකක් අරන් ඒ ගොල්ලන්ගෙ සුදු මූණවල් පත්ත‍රේ මුල් පිටුවල දා ගනියි.

අහස උසට හදපු සොහොන් කොතක් උඹ වෙනුවෙන් එතන හැදෙනව මම දැක්කෙ නැ.

උඹේ සොහොනෙ ගොඩ ගහපු පස් වැස්සට හේදිලා යාවි. ඒ මත තණකොල වැවේවි.

ඒත්..ආයෙමත් දවසක උඹේ දියවෙන ඇගෙන් සාරය උරාගත්තු ඒ තණකොල මතින් ලස්සන මල් පිපේවි.
උඹේ පොඩි එවුන් දෙන්නා ඒ මල් වල සුවද විදියි.

අන්න ඒ දවසට.. ආයිත් උඹව මිනිසුන්ට මතක් වේවි.

මට උඹ මැරුණු එක සහ මැරුණු විදිහ ගැන දුකයි.
මට නම් කවදාවත් ඒ වගේ දෙයකට පපුව කෙලින් තියාගෙන මුහුණ දෙන්න බැරි වෙයි.

ඒත්,
උඹේ නිර්භීත කම ගැන මට ආඩම්බ‍රයි. :)